Átöppunarvél fyrir GeoSilica Iceland

Davíð Ásgeirsson
Davíð Ásgeirsson

Davíð Ásgeirsson er fæddur árið 1976 og stundar nám í mekatróník hátæknifræði. Lokaverkefni Davíðs gengur út á hönnun og smíði á vél sem sér um átöppun á kísilvökva fyrir fyrirtækið GeoSilica.

Davíð er með sveinspróf í rafeindavirkjun og EMT-B frá Sjúkraflutningaskólanum á Akureyri. Draumastarf Davíðs felst í því að finna lausnir á krefjandi verkefnum hér á Suðurnesjum.

Vörnin fer fram kl. 12:30 22. september næstkomandi í stofu A1 í aðalbyggingu Keilis á Ásbrú. Allir velkomnir.

Mekatróník hátæknifræðinám Keilis og Háskóla Íslands

Námið í mekatróník hátæknifræði er þverfaglegt háskólanám þar sem veittur er sterkur grunnur í aðferðum sem nýta bæði rafeinda- og hugbúnað til að stjórna vélbúnaði.Nemendur læra meðal annars að hanna mekatrónísk kerfi, mæla og vinna úr mælingum til þess að stjórna vélbúnaði auk þess að læra nóga rafeindatækni til að geta búið til búnað til að mæla og vinna úr mælingum.

Námið nýtist öllum sem vilja vinna við raf- og rafeindastýrðan vélbúnað, hvort sem er í orku-, framleiðslu- eða öðrum iðnaði. Undanfarin ár hefur verið vaxandi þörf fyrir tæknimenntað starfsfólk sem getur bæði hannað og viðhaldið vélbúnaði búnum rafeinda- og hugbúnaðarstýringum. Sem dæmi um slíkan búnað má nefna vélknúin farartæki (bílar, mótorhjól, flugvélar og skip), vélbúnað í framleiðslufyrirtækjum (þjarkar, flokkarar, vogir), búnað í heilbrigðisgeiranum (röntgenvélar, ómunartæki, hjartalínurit, gangráðar, svefnmælingar), neytendavörur (myndavélar, þvottavélar, geisladiskaspilarar og harðir diskar), gervilimi (hné og fætur) og margt fleira. 

 

Tengt efni