Flýtilyklar
Leit
Sérúrræði og lesblinda
Keilir býður nemendum með fatlanir og sértæka námsörðugleika velkomna til náms í skólanum. Skólinn leggur áherslu
á að veita nemendum sérstaka þjónustu til að ná árangri í námi þrátt fyrir hömlun sína. Helstu
úrræði sem i boði eru:
- Stuðningsviðtöl við námsráðgjafa
- Lengdur próftími
- Breytt letur / stækkað letur
- Skönnun námsefnis og talgervill
- Próftöku á tölvu
- Meira næði, sérstofa fyrir nemendur með lengri próftíma
- Glósuvinur
Lesblinda
Í stuttu máli má segja að dyslexía eða lesröskun sé heiti yfir námsörðugleika sem koma fram þegar unnið er með
talað eða ritað mál. Vandamál geta komið fram í lestri, stafsetningu, tjáningu eða hlustun. Dyslexía er ekki sjúkdómur. Þeir
sem greinast með dyslexíu eru yfirleitt hæfileikaríkir einstaklingar sem læra á annan hátt en almennt gerist. Greind þeirra er ekki
vandamálið. Það er mismunur á milli námshæfileika þeirra og námsárangurs sem ekki á sér augljósar
skýringar.
Orsakir dyslexíu er að finna í uppbyggingu og starfsemi heilans. Hver einstaklingur er sérstakur, sérhver á sér sínar sterku og veiku
hliðar. Þessir nemendur sýna oft sérstaka hæfileika á sviðum sem krefjast samþættingar sjónskynjunar, rúmskynjunar og hreyfinga.
Margir með dyslexíu hafa einstaka hæfileika á sviðum eins og í listum, íþróttum, húsagerðarlist, rafeindatækni og
verkfræði.
Það sem er þeim sameiginlegt er að eiga í vandræðum með tungumálið. Það merkir að þeir sem greinast með
dyslexíu eiga í erfiðleikum með að umskrá málið yfir í hugsun (þegar verið er að hlusta eða lesa) eða hugsun yfir í
tungumálið (eins og við stafsetningu, ritun og munnlega tjáningu). ©Elín Vilhelmsdóttir
Á næstunni
18.02.2012
