Flýtilyklar
Leit
Náms- og starfsráðgjöf
Skrifstofa náms- og starfsráðgjafa er staðsett við aðal skrifstofu Keilis. Opnir viðtalstímar eru á mánudögum, miðvikudögum
og fimmtudögum milli 9:30 og 11:30.
Meginhlutverk náms- og starfsráðgjafar er að veita nemendum margvíslegan stuðning í námi og er markmið hennar að stuðla að aukinni
vellíðan og árangri nemenda.
Sigrún Arnardóttir er náms- og starfsráðgjafi Keilis. Netfang náms- og starfsráðgjafa er: sigrun@keilir.net
Helstu viðfangsefni ráðgjafarinnar eru:
- Ráðgjöf um vinnubrögð og námstækni
- Upplýsingagjöf um námsleiðir og störf til núverandi og verðandi nemenda skólans
- Ráðgjöf og úrræði vegna fötlunar eða sértækra námsörðugleika
- Að veita nemendum persónulega ráðgjöf
- Starfsráðgjöf og ráðgjöf um gerð atvinnuumsókna
- Að efla sjálfsþekkingu nemenda með viðtölum og verkefnum
Fátt mannlegt er náms- og starfsráðgjafanum óviðkomandi. Hann ber virðingu fyrir þér sem persónu og hlustar af athygli. Hann segir
þér ekki hvað þú átt að gera en aðstoðar þig við að finna þínar leiðir.
Námskeið
Ýmis styttri og lengri námskeið um ofangreind efni eru í boði, auglýst sérstaklega hverju sinni. Gefið ykkur tíma til að sækja
námskeið til að skerpa á námstækninni og auka þannig afköst og árangur, það er fljótt að skila sér.
Úrræði í námi vegna fötlunar eða sértækra námsörðugleika
Náms-og starfsráðgjöf skólans hefur yfirumsjón með sérúrræðum og skal nemandi sem óskar eftir slíku gefa sig fram
við námsráðgjöf. Vegna allra sérúrræða skal nemandi skila inn greiningu eða vottorði frá þar til bærum aðila. Ef um
sérúrræði á námstíma er að ræða, þarf að skila vottorði/ greiningu strax í fyrstu kennsluviku. Ef um
sérúrræði í prófum er að ræða skal skila í síðasta lagi mánuði fyrir fyrsta próf. Sé greiningu/
vottorði skilað eftir þennan tíma er ekki öruggt að náist að ganga frá sérúrræðum. Því er
áríðandi að nemendur virði þessi tímamörk.
Hægt er að panta tíma hjá námsráðgjafa með því að hringja í síma 578 4000 eða senda tölvupóst
á: sigrun@keilir.net
Á næstunni
18.02.2012
