Keilir er alhliða menntafyrirtæki í eigu háskóla, fyrirtækja og almannasamtaka

Enter+ verkefnið gengur út á að búa til samstarfsnet evrópskra menntastofnanna með áherslu á nám og þjálfun sem tengist endurnýjanlegri orkutækni og leiðum til orkunýtni. Þetta er í samræmi við áherslur Evrópusambandsins í orkumálum, en fyrirséð er að slíkar breytingar yfir í vistvænt eldsneyti og endurnýjanlega orku, munu leiða af sér innleiðingu nýrrar tækni í aðildarlöndunum, nýjar atvinnugreinar og færni starfsfólks. Áhersla verkefnisins mun þar af leiðandi vera á samantekt á nýjungum í starfsþjálfun og námsleiðum sem tengjast breytingum í orkumálum. Verkefnið mun leggja áherslu á að auka þekkingu á stefnu Evrópusambansins og aðildarlanda í orkumálum; deila þekkingu og reynslu samstarfsaðila verkefnisins, ásamt tengiliðum í samstarfslöndum; kynna kennsluaðferðir og nýjar leiðir til menntunar; og draga sama góðar starfsvenjur í kennslu.

  

Evrópusambandið hefur skulbundið sig til að draga úr útblæstri gróðurhúsaloftegunda um 20% fram til 2020. Þeir hafa einnig sett það markmið að auka hlut endurnýjanlegra orkugjafa í aðildarlöndunum um 20% fyrir þann tíma. Hvert aðildarland þarf að setja fram áætlun til þess að ná þessum settu markmiðum.

Mismunandi áherslur eru eftir löndum, og miðar verkefnið við að draga fram jákvæða reynslu úr aðildarlöndunum, sér í lagi sem tengist menntaúrræðum og þjálfun. Verkefnið mun vera vettvangur til að deila upplýsingum og fá betri skilning á orkulöggjöfum samstarfslanda, hugmyndir og tillögur samstarfsaðila til úrbóta, ásamt því að skoða það sem vel hefur verið gert og þau skref sem hafa nú þegar verið tekinn í samstarfslöndunum.

Markmið verkefnisins er að búa til samevrópskt tengslanet fyrir kennara og þjálfara, á sviði endurnýjanlegra orkugjafa, orkunýtni og nýtingu. Verkefnið miðar að því að ýta undir samstarf milli mismunandi evrópskra stofnanna sem fást við menntun og þjálfun í umhverfis- og orkumálum. Verkefnið mun deila góðum starfsháttum í þjálfun og námi sem tengist umhverfi og orku, sérstaklega í fullorðinsfræðslu og starfsþjálfun, auka við þekkingu, aðferðafræði og kennsluefni í umhverfis og orkumálum fyrir fullorðna, og auka áhuga og sjálfstæði nemenda á efninu. Samstarfsaðilar eru fræðsluaðilar og stofnanir frá Frakklandi, Þýskalandi, Slóveníu og Íslandi. 

Verkefnið er styrkt af Framkvæmdastjórn Evrópusambandsins.

---