Handbók nemenda - ÍAK

Keilir haust 2016 - Birt með fyrirvara um breytingar. Smelltu á viðeigandi yfirflokka til að nálgast nánari upplýsingar. Almennar upplýsingar um húsnæðismál, skólagjöld, siðareglur, þjónustu og tölvumál má nálgast í Handbók nemenda - Almennur hluti.

  • 1 Námið

    ÍAK einkaþjálfaranámið er 2ja anna langt nám. Markmiðið með náminu er að skapa framúrskarandi einkaþjálfara sem hafa yfirgripsmikla þekkingu á heilbrigði einstaklingsins og hæfni til að búa til einstaklingsmiðaðar þjálfunaráætlanir á sviði styrktar- og þolþjálfunar. Markmiðið er einnig að stuðla að betra samstarfi milli ÍAK einkaþjálfara, sjúkraþjálfara og íþróttaþjálfara.

    ÍAK einkaþjálfaranámið er fullt nám og er kennt í fjarnámi með staðlotum að meðaltali tvær helgar í mánuði.

    • 1.1 Fyrirlestrar

      Meginreglan er sú að tveir fyrirlestrar eru lagðir fyrir á viku inn á Moodle - kennslukerfi skólans.

    • 1.2 Vinnuhelgar

      Nemendur mæta á vinnuhelgi skv. stundaskrá. 100% skyldumæting er á vinnuhelgar frá upphafi til enda. Mæti viðkomandi 15 mín of seint í verkefnatíma telst hann ekki hafa mætt. 

    • 1.3 Úrsögn úr áfanga

      Úrsögn úr áfanga þarf að fara fram í síðasta lagi viku eftir að áfangi hefst. Það er hægt að gera í gegnum INNU með því að ýta á flipann úrsögn úr áfanga. Mikilvægt að hafa samráð við verkefnastjóra námsins. Ef nemandi sinnir ekki áfanganum og skráir sig ekki úr honum á tilskildum tíma birtist áfanginn sem fall á INNU.

      Nemendur Íþróttaakademíu Keilis verða að segja sig úr áfanga í síðasta lagi viku eftir að áfangi hefst til þess að geta átt námsgjöld inni. Námsgjöld geta gilt í Íþróttaakademíu í tvö ár frá því að nemandi hóf nám. 

    • 1.4 Fyrirvari um breytingar

      Vakin er athygli á því að allt sem birt er s.s. varðandi skipulag og annað er birt með fyrirvara um breytingar og deildarstjóri áskilur sér rétt til að breyta dagsetningum og öðru sem birst hefur og við kemur náminu. 

    • 1.5 Verkefnavinna

      Á vinnuhelgum vinna nemendur einstaklingsverkefni í bland við para- og hópverkefni.

      Miklar kröfur eru gerðar til nemenda hvað varðar vinnubrögð og sjálfstæði í lausn á krossaprófum og einstaklingsverkefnum. Óheimilt er með öllu  að nýta sér hugverk annarra í ritgerðum og verkefnum, nema heimilda sé getið í samræmi við viðurkennd fræðileg vinnubrögð. Kennurum er heimilt að beita viðurlögum ef upp kemst um ritstuld, nemandi er áminntur og fær einkunnina 0 í verkefninu eða áfanganum, eftir alvarleika brotsins.

    • 1.6 Tilslakanir á skilafresti

      Hafi nemandi ekki lokið við verkefni á tilsettum skilatíma gildir sú regla að ekki er gefinn lengri tími án mögulegrar lækkunar einkunnar á verkefni. 

    • 1.7 Verkefnaskil nemenda

      Fyrir verkefnin er gefin verkefnaeinkunn sem er vegið meðaltal allra verkefna vetrarins og þurfa nemendur að ná lágmarkseinkunninni 7,0 úr verkefnahlutanum til að öðlast próftökurétt. Almenna reglan er sú að verkefnaeinkunn í næringarfræði, lífeðlisfræði, vöðva- og hreyfifræði og sálfræði gildir 50% af heildareinkunn áfangans á móti prófseinkunn, sem gildir 50%.  

    • 1.8 Moodle (kennslu- og samskiptaforrit)

      Öll námsgögn og samskipti milli kennara og nemenda fara fram í kennslu- og samskiptaforritinu Moodle.  Mikilvægt er að nemendur fari reglulega inn á Moodle til að fylgjast með hverjum áfanga fyrir sig. Brýnt er að nemendur fylgist með tölvupósti daglega, allar upplýsingar frá skólanum og milli nemenda eru sendar í tölvupósti.

    • 1.9 Tölvusamskipti

      Mikil áhersla er á tölvunotkun í Keili þar sem námsgögn og samskipti fara mikið fram í gegnum tölvur. Allir starfsmenn og nemendur Keilis eru beðnir um að hafa í huga að um tölvusamskipti gilda almennar kurteisisreglur.

  • 2 Próf

    Álagi námsins er dreift yfir önnina með því að prófa þegar áfanga er lokið í stað þess að hafa ákveðna prófaviku í lok annar. Sjúkra- og upptökupróf eru haldin í kjölfarið. Ekki er gert ráð fyrir upplestrarfríi, heldur skulu nemendur nýta önnina jafnt til lærdóms og skipulagningar.

    Prófin eru ýmist skrifleg, munnleg eða verkleg. Bóklegu prófin eru yfirleitt tveggja tíma ef þau eru skrifleg. Fer lengd prófa eftir efni og aðstæðum hverju sinni og er það kennari sem tekur ákvörðun um tímalengd prófa. Sama gildir um munnleg próf og verkleg, það er kennarans að ákveða með hvaða hætti hann prófar úr námsefninu. Prófafyrirkomulag skal þó liggja fyrir í upphafi annar í námsskeiðslýsingu en kennari hefur vald til að breyta prófafyrirkomulagi telji hann ríka ástæðu til.

    Próf eru haldin hjá Keili. Yfirsetufólk er til staðar sem og prófstjóri. Kennari er ýmist á staðnum eða til taks í síma. Þeir nemendur sem búa í 100 km fjarlægð eða meira frá prófstöðum geta óskað eftir því að taka próf í sinni heimabyggð í samráði við umsjónarmenn námsins. Kostnaður vegna þess greiðist af nemanda sjálfum.

    • 2.1 Próftökuréttur

      Nemendur skulu hafa náð 7 í veginni meðaleinkunn verkefna og hafa virt mætingaskyldu til þess að öðlast próftökurétt. Ef nemandi nær ekki tilskyldri lágmarkseinkunn þá telst hann fallinn á verkefnaeinkunn og telst því fallinn í áfanganum.

      Í alla tíma í staðlotum er 100% mætingaskylda. Mæti viðkomandi 15 mín of seint í verkefnatíma telst hann ekki hafa mætt. 

    • 2.2 Gagnapróf og gagnalaus próf

      Próf í ÍAK einkaþjálfaranum eru ýmist gagnalaus eða með gögnum. Í gagnaprófum mega nemendur hafa með sér skrifaðar glósur. Kennari ákveður magnið og einnig hvort hann leyfi einnig kennslubókina eða önnur gögn. Þá ákveður kennari framkvæmd prófa og er heimilt að leggja fyrir nemendur próf án gagna.

    • 2.3 Prófseinkunn

      Nemendur þurfa að ná 7,0 á lokaprófum í öllum áföngum.

    • 2.4 Endurgjöf á próf

      Próf eru eign skólans. Kennari auglýsir prófsýningu 3-4 vikum eftir próf. Nemendur senda tölvupóst á viðkomandi kennara og óska útskýringa í gegnum tölvupóst eða óska þess að fá að sjá prófið. Prófsýning fer fram í Keili á skrifstofutíma. 

    • 2.5 Sjúkrapróf

      Til að nemandi eigi kost á að taka sjúkrapróf verður hann að skrá sig á heimasíðu Keilis í síðasta lagi tveimur virkum dögum fyrir prófið. Til þess að veikindi í prófi séu tekin gild þarf að skila vottorði sem er dagsett innan þriggja daga frá prófdegi. Ekki er tekið mark á vottorði sem er dagsett eftir þann tíma.

    • 2.6 Upptökupróf

      Nemandi sem ekki nær lágmarkseinkunn á misserisprófi á rétt á að fara í upptökupróf (sjá kostnað í Gjaldskrá Keilis). Tilkynni nemandi ekki veikindi í prófi og skili ekki vottorði, er hann skráður með fall í áfanganum. Nemandi getur þó óskað eftir því að fara í upptökupróf.

      Til að nemandi eigi kost á því að taka upptökupróf verður hann að skrá sig á heimasíðu Keilis í síðasta lagi tveimur virkum dögum fyrir prófið. Ef greiðsla og skráning hefur ekki verið framkvæmd á réttum tíma er ekki gert ráð fyrir nemandanum í prófið.

       Hámarks einkunn úr upptökuprófi er 7.

       

    • 2.7 Fall á upptökuprófi

      Nemandi sem fellur á upptökuprófi eða sjúkraprófi getur sótt um að taka aukaupptöku­próf í lok skólaárs (maí). Eingöngu er hægt að sækja um að taka aukaupptökupróf í einu fagi standi það í vegi fyrir útskrift nemanda. Hámarkseinkunn sem nemandi getur fengið úr áfanganum er 7,0 (sjá kostnað í gjaldskrá).

  • 3 Prófgjöld

    Hér má sjá gjaldskrá ÍAK námsins veturinn 2016 - 2017

    Upptökupróf * kr. 6.000
    Aukaupptökupróf kr. 18.000


    * Greiða þarf gjald vegna upptökuprófs eigi síðar en tveimur dögum fyrir prófdag 

  • 4 Starfsfólk

    Hægt er að nálgast upplýsingar um starfsfólk Íþróttaakademíu Keilis 2016 - 2017 hérna

    Starfsfólk skrifstofu og kennslusviðs Keilis:

    Agnar Guðmundsson Tölvudeild agnar@keilir.net
    Gísli Torfason Tölvudeild gisli@keilir.net
    Anna María Sigurðardóttir Kennslusvið annamaria@keilir.net
    Fjóla Þórdís Jónsdóttir  Kennslusvið fjola@keilir.net
    Sigrún Svafa Ólafsdóttir  Kennslustuðningur sigrunsvafa@keilir.net
    Sigríður Georgsdóttir Þjónustufulltrúi sigridurg@keilir.net
    Þóra Kristín Snjólfsdóttir Náms- og starfsráðgjafi thora@keilir.net
    Skúli Freyr Brynjólfsson Náms- og starfsráðgjafi skuli.b@keilir.net
    Venný Sigurðardóttir Þjónustufulltrúi venny@keilir.net