Handbók nemenda - Fótaaðgerðafræði

Keilir Vor 2017 - Birt með fyrirvara um breytingar. Smelltu á viðeigandi yfirflokka til að nálgast nánari upplýsingar. Almennar upplýsingar um húsnæðismál, skólagjöld, siðareglur, þjónustu og tölvumál má nálgast í Handbók nemenda - Almennur hluti.

  • 1 Námið

    Nám í fótaaðgerðafræði er samtals 199 einingar. Grunnurinn, 109 einingar eru kenndar m.a. í FÁ og sérgreinar fótaaðgerðafræðinnar 90 einingar eru kenndar hjá Keili. Námið dreifist á sex til sjö annir, þar af er sérnámið í Keili er skipulagt sem þriggja anna nám.

    Í náminu er nemandinn undirbúinn til að starfa sem fótaaðgerðafræðingur, bæði á einkastofum ásamt hinum ýmsu heilbrigðisstofnunum. Sérstök áhersla er lögð á að þjálfa færni í að takast á við raunveruleg viðfangsefni þar sem fyrirmæli, verklýsing og vinnuaðferðir liggja fyrir. Jafnframt fær nemandinn þjálfun í að takast á við ófyrirséð verkefni og aðstæður sem krefjast þekkingar, hugkvæmni, hæfni í samskiptum og rökvísi.

    Keilir leggur áherslu á nútíma náms- og kennsluhætti og vinnur eftir hugmyndafræði vendináms. Vendinám felur í sér að nemendur vinna að verkefnum og taka þátt í umræðum í skólum en fyrirlestrar og annað námsefni frá kennara er vistað á netinu.

    • 1.2 Innilotur

      Nemendur mæta á innilotur skv. stundaskrá. 100% skyldumæting er á innilotur frá upphafi til enda.

    • 1.3 Úrsögn úr áfanga

      Úrsögn úr áfanga þarf að fara fram í síðasta lagi viku eftir að áfangi hefst. Það er hægt að gera í gegnum INNU með því að ýta á flipann úrsögn úr áfanga. Mikilvægt að hafa samráð við verkefnastjóra námsins. Ef nemandi sinnir ekki áfanganum og skráir sig ekki úr honum á tilskildum tíma birtist áfanginn sem fall á INNU.

      Nemendur í fótaaðgerðafræði verða að segja sig úr áfanga í síðasta lagi viku eftir að áfangi hefst til þess að geta átt námsgjöld inni. Námsgjöld geta gilt í fótaaðgerðafræði í tvö ár frá því að nemandi hóf nám. 

    • 1.4 Fyrirvari um breytingar

      Vakin er athygli á því að allt sem birt er s.s. varðandi skipulag og annað er birt með fyrirvara um breytingar og verkefnastjóri áskilur sér rétt til að breyta dagsetningum og öðru sem birst hefur og við kemur náminu. 

    • 1.5 Verkefnavinna

      Miklar kröfur eru gerðar til nemenda hvað varðar vinnubrögð og sjálfstæði í lausn verkefna. Óheimilt er með öllu  að nýta sér hugverk annarra í ritgerðum og verkefnum, nema heimilda sé getið í samræmi við viðurkennd fræðileg vinnubrögð. Kennurum er heimilt að beita viðurlögum ef upp kemst um ritstuld, nemandi er áminntur og fær einkunnina 0 í verkefninu eða áfanganum, eftir alvarleika brotsins.

    • 1.6 Tilslakanir á skilafresti

      Hafi nemandi ekki lokið við verkefni á tilsettum skilatíma gildir sú regla að ekki er gefinn lengri tími án mögulegrar lækkunar einkunnar á verkefni. 

      Dregið er 1 frá einkunn, fyrir hvern byrjaðan sólarhring frá skiladegi. Ekki er tekið við verkefnum eftir tvo daga frá skiladegi.

    • 1.7 Námsframvinda

      Lágmarkseinkunn er 5 í öllum bóklegum áföngum, en 7 í verklegum áföngum. Til að geta hafið nám í sérgreinum fótaaðgerðafræðinnar verða nemendur að hafa lokið almennum kjarna (48 einingar) og grunnnámi heilbrigðisgreina (61 eining). Nemendur verða að fylgja uppbyggingu námsins í sérgreinum og ljúka tilskildum undanförum hvers áfanga. 

    • 1.8 Moodle (kennslu – og samskiptaforrit)

      Öll námsgögn og samskipti milli kennara og nemenda fara fram í kennslu- og samskiptaforritinu Moodle. Mikilvægt er að nemendur fari reglulega inn á Moodle til að fylgjast með hverjum áfanga fyrir sig. Brýnt er að nemendur fylgist með tölvupósti daglega, allar upplýsingar frá skólanum eru sendar á Keilisnetföng nemenda.

    • 1.9 Tölvusamskipti

      Mikil áhersla er á tölvunotkun í Keili þar sem námsgögn og samskipti fara mikið fram í gegnum tölvur. Allir starfsmenn og nemendur Keilis eru beðnir um að hafa í huga að um tölvusamskipti gilda almennar kurteisisreglur.

  • 2 Námsmat

    Námsmat er mjög fjölbreytt og getur byggst á símati annars vegar eða lokaprófi hins vegar. Ef um lokapróf er að ræða eru þau í lok áfanga. Sjúkra- og upptökupróf eru haldin í kjölfarið. Ekki er gert ráð fyrir upplestrarfríi, heldur skulu nemendur nýta önnina jafnt til lærdóms og skipulagningar.

    Námsmat er ýmist skriflegt, munnlegt eða verklegt. Fer lengd prófa eftir efni og aðstæðum hverju sinni og er það kennari sem tekur ákvörðun um tímalengd prófa. Sama gildir um munnleg próf og verkleg, það er kennarans að ákveða með hvaða hætti hann prófar úr námsefninu. Prófafyrirkomulag skal þó liggja fyrir í upphafi annar í námsskeiðslýsingu en kennari hefur vald til að breyta prófafyrirkomulagi telji hann ríka ástæðu til.

    Ef um lokapróf er að ræða eru þau haldin hjá Keili eða öðrum viðurkenndum próftökustöðum. Yfirsetufólk er til staðar sem og prófstjóri. Kennari er ýmist á staðnum eða til taks í síma. 

    • 2.1 Próftökuréttur

      Nemendur skulu hafa náð 5 í  verkefnaeinkunn og hafa virt mætingaskyldu til þess að öðlast próftökurétt. Ef nemandi nær ekki tilskyldri lágmarkseinkunn þá telst hann fallinn á verkefnaeinkunn og telst því fallinn í áfanganum.

    • 2.2 Prófseinkunn

      Nemendur þurfa að ná 5,0 á lokaprófum í öllum bóklegum áföngum.

    • 2.3 Endurgjöf á próf

      Próf eru eign skólans. Kennari auglýsir prófsýningu 3-4 vikum eftir próf. Nemendur senda tölvupóst á viðkomandi kennara og óska útskýringa í gegnum tölvupóst eða óska þess að fá að sjá prófið. Prófsýning fer fram í Keili á skrifstofutíma. 

    • 2.4 Sjúkrapróf

      Til að nemandi eigi kost á að taka sjúkrapróf verður hann að skrá sig á heimasíðu Keilis í síðasta lagi tveimur virkum dögum fyrir prófið. Til þess að veikindi í prófi séu tekin gild þarf að skila vottorði sem er dagsett innan þriggja daga frá prófdegi. Ekki er tekið mark á vottorði sem er dagsett eftir þann tíma.

    • 2.5 Upptökupróf

      Nemandi sem ekki nær lágmarkseinkunn á misserisprófi á rétt á að fara í upptökupróf (sjá kostnað í Gjaldskrá Keilis). Tilkynni nemandi ekki veikindi í prófi og skili ekki vottorði, er hann skráður með fall í áfanganum. Nemandi getur þó óskað eftir því að fara í upptökupróf.

      Til að nemandi eigi kost á því að taka upptökupróf verður hann að skrá sig á heimasíðu Keilis í síðasta lagi tveimur virkum dögum fyrir prófið. Ef greiðsla og skráning hefur ekki verið framkvæmd á réttum tíma er ekki gert ráð fyrir nemandanum í prófið.

    • 2.6 Fall á upptökuprófi

      Nemandi sem fellur á upptökuprófi eða sjúkraprófi getur sótt um að taka aukaupptöku­próf í lok skólaárs (maí). Eingöngu er hægt að sækja um að taka aukaupptökupróf í einu fagi standi það í vegi fyrir útskrift nemanda. (sjá kostnað í gjaldskrá).

    • 2.7 Prófgjöld

      Hér má sjá prófgjöld námsins veturinn 2016 - 2017

      Upptökupróf *

      kr. 6.000

      Aukaupptökupróf

      kr. 18.000


      * Greiða þarf gjald vegna upptökuprófs eigi síðar en tveimur dögum fyrir prófdag 

  • 3 Starfsfólk

    Hægt er að nálgast upplýsingar um starfsfólk Íþróttaakademíu Keilis 2016 - 2017 hérna. Starfsfólk skrifstofu og kennslusviðs Keilis:            

    Jóhanna Sigurbjörnsdóttir

    Verkefnastjóri Fótaaðgerðafræði Keilis

    johanna@keilir.net

    Agnar Guðmundsson

    Tölvudeild

    agnar@keilir.net

    Gísli Torfason

    Tölvudeild

    gisli@keilir.net

    Anna María Sigurðardóttir

    Kennslusvið

    annamaria@keilir.net

    Fjóla Þórdís Jónsdóttir 

    Kennslusvið

    fjola@keilir.net

    Sigrún Svafa Ólafsdóttir 

    Kennslustuðningur

    sigrunsvafa@keilir.net

    Sigríður Georgsdóttir

    Þjónustufulltrúi

    sigridurg@keilir.net

    Þóra Kristín Snjólfsdóttir

    Náms- og starfsráðgjafi

    thora@keilir.net

    Skúli Freyr Brynjólfsson

    Náms- og starfsráðgjafi

    skuli.b@keilir.net

    Venný Sigurðardóttir

    Þjónustufulltrúi

    venny@keilir.net