Vistakstur - fer fram í Austur-Skaftafellssýslu - Endurmenntunarnámskeið atvinnubílstjóra

Keilir býður upp á endurmenntunarnámskeið fyrir atvinnubílstjóra í Hoffelli, Hornafirði. Boðið verður upp á námskeiðið „Vistakstur". Markmiðið er að bílstjórinn þekki hugmyndafræði vistaksturs og með hvaða hætti hann getur lágmarkað eldsneytiseyðslu og umhverfismengun og hámarkað öryggi sitt og annarra í umferðinni með réttu aksturslagi.

Námskeiðin hjá Keili byggja á virkri þátttöku nemenda og á vönduðum upptökum á kennsluefninu. Námskeið fer fram í Hoffelli, laugardaginn 4. nóvember kl 10:00 - 17:00 og er háð lágmarks þátttöku. Verðið er kr. 19.900.

Samkvæmt nýrri reglugerð verða atvinnubílstjórar (ökuréttindi í flokkum C1, C, D1 og D) að sækja endurmenntun á fimm ára fresti. Keilir hefur fengið viðurkenningu Samgöngustofu til að bjóða upp á endurmenntun bílstjóra til farþegaflutninga og vöruflutninga í atvinnuskyni og býður upp á kjarnanámskeið frá og með haustinu 2016.
 
Nánari upplýsingar veitir Margrét Hanna verkefnastjóri hjá Keili. 
Upplýsingar í síma 578 4079 og 578 4091.