Umferðaröryggi og bíltækni - Endurmenntunarnámskeið atvinnubílstjóra

Keilir býður upp á endurmenntunarnámskeið fyrir atvinnubílstjóra í aðalbyggingu Keilis, Grænásbraut 910. Boðið verður upp á námskeiðið „Umferðaröryggi - bíltækni". Markmiðið er að bílstjórinn þekki vegakerfið og helstu hættur sem eru til staðar eða geta skapast í tengslum við ytri aðstæður, s.s. við mismunandi veðurskilyrði. Einnig að hann þekki helstu tegundir og orsakir umferðar- og vinnuslysa og þekki aðferðir við slysavarnir.

Námskeiðin hjá Keili byggja á virkri þátttöku nemenda og á vönduðum upptökum á kennsluefninu. Námskeið fer fram í aðalbyggingu Keilis, laugardaginn 14. október 2017 kl 8:30 - 15:30 og er háð lágmarks þátttöku. Verðið er kr. 19.900.

Samkvæmt nýrri reglugerð verða atvinnubílstjórar (ökuréttindi í flokkum C1, C, D1 og D) að sækja endurmenntun á fimm ára fresti. Keilir hefur fengið viðurkenningu Samgöngustofu til að bjóða upp á endurmenntun bílstjóra til farþegaflutninga og vöruflutninga í atvinnuskyni og býður upp á kjarnanámskeið frá og með haustinu 2016.
 
Nánari upplýsingar veitir Margrét Hanna verkefnastjóri hjá Keili. 
Upplýsingar í síma 578 4079 og 578 4091.