Húsnæði og aðstaða hjá Keili



Aðalbygging Keilis er á Grænásbraut 910 á Ásbrú í Reykjanesbæ og hýsir hún flestar kennslustofur, rannsóknaraðstöðu, stoðþjónustu og skrifstofur. Þar er einnig að finna upplýsingatorg, lesrými, hópvinnuherbergi, kaffistofur og veitingasölu, auk þess sem viðburðir og uppákomur eru reglulega á dagskrá. Byggingin er opin nemendum frá morgni til kvölds. Kennsla fer einnig fram í Sporthúsinu á Ásbrú (gegnt aðalbyggingunni) og í verklegri kennsluaðstöðu Flugakademíu Keilis á Keflavíkurflugvelli.
 
  • Aðalbygging Keilis - Opnunartímar og aðgangskubbar

    Aðalbygging Keilis er opin eins og hér segir:

    • Húsnæði skólans er opið kl. 7:45 - 16:00
    • Skrifstofa skólans er opin kl. 8:00 - 12:00 og 13:00 - 16:00 alla virka daga
    Utan opnunartíma er hægt að komast inn í skólann með sérstökum aðgangskubbi sem nemendur Keilis geta keypt sér. Hægt er að sækja um kubbinn í afgreiðslu Keilis og kostar hann kr. 3.000. Aðgangskubburinn er einnig prentkubbur og er innifalið 250 blöð og geta nemendur nýtt sér hann til að prenta út í prentaðstöðu skólans. Hægt er að fylla á kubbinn ef þarf. Skólinn er lokaður um helgar en hægt er að komast inn með aðgangskubbi frá kl. 07:15 - 22:45.
     
    Handhafi aðgangskubbs er ábyrgur fyrir umgengni og er óheimilt að taka með sér gesti. Ef nemandi verður valdur að útkalli öryggisþjónustu er hann ábyrgur fyrir kostnaði sem því fylgir. Öryggiskerfi hússins fer í gang alla daga vikunnar kl. 23:00 og þá verður húsið að vera mannlaust, öll umgengni eftir þann tíma ræsir kerfið.
  • Aðstaða Flugakademíu Keilis

    Bóklegt nám í Flugakademíunni fer fram í aðalbyggingu Keilis á Grænásbraut 910 á Ásbrú í Reykjanesbæ. Byggingin hýsir flestar kennslustofur, rannsóknaraðstöðu, stoðþjónustu og skrifstofur. Þar er einnig að finna bókasafn, lesrými, hópvinnuherbergi, kaffistofur og veitingasölu, auk þess sem viðburðir og uppákomur eru reglulega á dagskrá. Byggingin er opin nemendum frá morgni til kvölds.

    Verkleg kennsluaðastaða flugnáms á Keflavíkurflugvelli

    Flugkennsla fer fram á Austurhluta Keflavíkurflugvallar. Aðgengi að byggingu 827 sem Flugakademía Keilis notar fyrir sína verklegu kennslu, er í gegnum Silfurhliðið svokallaða.

    Verkleg kennsluaðstaða flugvirkjanáms Keilis

    Verklegt nám og þjálfun flugvrikjanema fer fram í „Flugvirkinu“ aðstöðu Flugakademíu Keilis að Funatröð 8 á Ásbrú. Hluti námsins fer fram hjá AST (Air Service Training) í Perth í Skotlandi, um 100 km norður af Glasgow. Hægt er að skoða 360° myndir af verklegri aðstöðu AST hér.

  • Umgengni í og í kringum skólahúsnæði

    Keilir leggur mikla áherslu á góða umgengni og eru nemendur vinsamlegast beðnir um að taka þátt í því með starfsfólki skólans að halda bæði húsi og lóð snyrtilegu. Henda rusli í tunnur sem eru á göngum og ganga vel um kennslustofur og önnur rými og allan búnað sem honum tilheyrir. Nemendur eru beðnir um að nýta sér grænu tunnurnar í prentherberginu til að losa sig við pappír. Neysla matvæla er ekki leyfð í kennslustofum. Í anddyri skólans eru sjálfsalar með gosi og sælgæti. Öll meðferð áfengis og annarra vímuefna er stranglega bönnuð í skólanum. 
  • Keilisgarðar - Nemendaíbúðir Keilis

    Húsnæðissvið býður nemendum Keilis að leigja hagkvæmar tveggja herbergja íbúðir á Keilisgörðum. Íbúðirnar eru staðsettar á Keilisbraut á Ásbrú í Reykjanesbæ og í göngufæri frá aðalbyggingu skólans. Nánari upplýsingar hér.

  • Bílastæði á skólalóð

    Merkt bílastæði eru í kringum skólann og eru nemendur beðnir um að virða þær merkingar, einnig má nota stæði við íþróttahúsið, Andrews og kirkjuna. Merkt stæði fyrir fatlaða er við aðalinngang skólans. Ekki má leggja uppá grasi í kringum skólann, eigendur bifreiða sem er þannig lagt eða virða ekki aðrar merkingar mega eiga von á að þær verði fjarlægðar á þeirra kostnað og án fyrirvara.

  • Húsgögn og búnaður

    Ekki er heimilt að breyta uppröðun borða og stóla eða færa húsgögn eða önnur áhöld á milli kennslustofa án heimildar húsnæðissviðs.
  • Mötuneyti Keilis

    Í Salnum er rekið mötuneyti á vegum Menu veitingar, opnunartími mötuneytis er frá kl. 8:45 til 14:30 alla virka daga. Á heimasíðu Menu má nálgast matseðil vikunnar. Í matsal skólans er hægt að kaupa sér heitan mat, létta rétti og kaffi. Þar er einnig örbylgjuofn og samlokugrill sem nemendur geta nýtt fyrir nesti að heiman. Kaffibolla og önnur áhöld sem farið er með úr matsalnum þarf að skila þangað aftur. Vinsamlegast skiljið kaffibolla ekki eftir á göngum skólans.

  • Reykingar á skólalóð

    Reykingar eru bannaðar á lóð skólans. Reykingar í og við inngang skólans eru stranglega bannaðar. Þetta gildir einnig fyrir rafsígarettur.

  • Skápar á göngum

    Skápar eru leigðir út til nemenda fyrir skólaárið, nánari upplýsingar um útleigu eru veittar hjá þjónustufulltrúa í afgreiðslu.