Inntökuskilyrði

ÍAK styrktarþjálfaranámið er sniðið til að mæta þörfum fólks sem vill sérhæfa sig í styrktar- og ástandsþjálfun íþróttarfólks, hvort sem er í hópastarfi eða með einstaklingum.

Gerð er krafa um að umsækjendur hafi haldgóða reynslu af íþróttum og líkamsrækt og séu í góðu líkamlegu formi.

Þeir sem hafa lokið háskólaprófi eða stúdentsprófi njóta forgangs í námið. Gerð er lágmarkskrafa um 18 ára aldur og 90 nýjar einingar í framhaldsskóla (70 gamlar einingar, sbr. hálft stúdentspróf). Þar af skulu hið minnsta 10 vera í ensku, 5 í íslensku, 5 í íþróttum, 10 í stærðfræði, 10 af raungreinasviði s.s. líffæra- og lífeðlisfræði og 5 í upplýsingatækni.

Allir umsækjendur fara í inntökuviðtal hjá verkefnastjóra ÍAK og námsráðgjafa.

Umsækjendur eru hvattir til að vanda umsókn og senda inn umbeðin gögn s.s. ferilskrá, afrit af skólaskírteini, persónulegt bréf og passaljósmynd. Í persónulegu bréfi sem óskað er eftir í umsókninni skal umsækjandi m.a. segja frá sjálfum sér, telja fram íþróttareynslu, segja frá hvers vegna sótt sé um námið og hvert markmiðið sé með því að sækja þetta nám.

 

Inntökuskilyrði fyrir umsókn á vorönn: (ath. ekki er sjálfgefið að háskólagráða í eftirtöldum fræðum gefi rétt á undanþágu frá grunnönn. (haustönn)) 

  • ÍAK einkaþjálfarapróf (eða grunnur að ÍAK þjálfara)
  • Íþróttafræði BS
  • Sjúkraþjálfun BS
  • Aðrar námbrautir á háskólastigi með grunn úr líffærafræði, lífeðlisfræði, næringarfræði, sálfræði og þjálffræði, geta verið metnar inn.
Öllum umsóknum er svarað. Athugið að fjöldatakmarkanir eru í námsbrautina.