Námsgjöld á Háskólabrú

Nám á Háskólabrú er sett upp samkvæmt reglum LÍN sem lánar sérstaklega fyrir námsgjöldum. Námið veitir einnig þeim sem uppfylla skilyrði rétt til framfærsluláns. Nánari upplýsingar er að finna á heimasíðu LÍN. Þá hvetjum við umsækjendur að kanna rétt sinn hjá stéttarfélögum þar sem mörg þeirra aðstoða félagsmenn sína við greiðslu skólagjalda.
 

Námsgjöld í Háskólabrú 

Hver áfangi á Háskólabrú kostar kr. 22.500* hvort heldur sem er í fjarnámi og staðnámi. Verðdæmi: Fullt nám á félagsvísinda- og lagadeild er kr. 277.500 (kr. 139.500 fyrir fyrri önn og kr. 135.000 fyrir seinni önn). Staðfestingargjald kr. 75.000 er innifalið í námsgjöldum.

* Undanskilið áfangarnir Nám og störf (kr. 7.500), Þýska 2 (kr. 18.750) og Þýska 3 (kr. 15.000).

Reglur um námsgjöld

  1. Staðfestingargjald er innheimt strax að lokinni samþykkt í nám.
  2. Staðfestingargjald er óafturkræft, hætti nemandi við að hefja nám hjá Keili. Annars dregst það frá skólagjöldum fyrstu annar.
  3. Skóla- og efnisgjöld eru innheimt fyrir hverja önn sérstaklega eða heila námsleið, allt eftir eðli námsskipulags. Gjöldin skulu vera að fullu greidd áður en nám hefst á viðkomandi önn eða námsleið.
  4. Nemandi sem ekki hefur greitt gjöld sín þegar önn hefst fær ekki að hefja nám á viðkomandi önn eða námsleið og aðgangi hans að net- og kennslukerfum Keilis er lokað.
  5. Skóla- og efnisgjöld eru óendurkræf, hafi nemandi hafið námið. Vegna sérstakra persónulegra aðstæðna getur nemandi óskað eftir að taka hlé á námi þar til viðkomandi námslína hefst aftur og getur þá átt skóla- og efnisgjöld inni í allt að tvö ár.
  6. Gjöld skulu greidd með útsendum greiðsluseðli.