Opið fyrir umsóknir í fjarnám Háskólabrúar Keilis

Við höfum opnað fyrir umsóknir í fjarnám Háskólabrúar Keilis. Skólasetning verður föstudaginn 11. janúar 2019 og fyrsta staðlota í náminu strax helgina á eftir. Umsóknarfrestur er til og með 3. desember næstkomandi.

Boðið er upp á aðfaranám að háskólanámi í fjarnámi til eins eða tveggja ára, en tveggja ára námið er hentugur fyrir þá sem að vilja taka Háskólabrú með vinnu eða taka aðfaranámið á lengri tíma.

Háskólabrú Keilis er eftirsóttasta frumgreinanám á Íslandi og hafa nú yfir 1.700 einstaklingar lokið náminu. Af þeim hafa lang flestir haldið áfram í háskólanám bæði hérlendis og erlendis. Háskólabrú Keilis gildir til inngöngu í allar deildir Háskóla Íslands, sem og í flestar deildir háskóla bæði hérlendis og erlendis.