Háskólabrú bæði í fjarnámi og staðnámi haustið 2019

Opnað hefur verið fyrir umsóknir í fjarnám og staðnám Háskólabrúar Keilis á haustönn 2019 og er umsóknarfrestur til 11. júní næstkomandi. Hægt er að taka námið bæði með og án vinnu. 

Um 1.800 nemendur hafa útskrifast af Háskólabrú

Háskólabrú hefur undanfarin ár markað sér sérstöðu í að veita einstaklingsmiðaða þjónustu og stuðning við nemendur. Kennsluhættir miða við þarfir fullorðinna nemenda, miklar kröfur eru gerðar um sjálfstæði í vinnubrögðum og eru raunhæf verkefni lögð fyrir. Við veitum nemendum okkar persónulega þjónustu og reynum að efla sjálfstraust þeirra og sjálfstæði.

Við leggjum mikið uppúr því að nemendur okkar kynnist samnemendum sínum og helstu þáttum í skólastarfinu. Því er fyrsta vikan í staðnámi og fyrsta vinnuhelgi í fjarnámi tileinkuð hópefli, hópavinnu og kynningu á þeirri vinnu sem framundan er.


Tengt efni