Háskólabrú og Háskólastoðir, undirbúningur til stúdentsprófs - Keilir

Opnað hefur verið fyrir umsóknir í Háskólabrú - fjarnám. Námið hefst næst í janúar 2012.

Á Háskólabrú er boðið upp á nám fyrir einstaklinga sem ekki hafa lokið stúdentsprófi. Að loknu námi uppfylla nemendur inntökuskilyrði í háskóla og telst námið sambærilegt stúdentsprófi samkvæmt samningi Keilis og Háskóla Íslands. Markmiðið með náminu er að veita nemendum góðan undirbúning fyrir krefjandi háskólanám.

Skoðaðu fleiri umsagnir nemenda á Háskólabrú

Námstilhögun

Félagsvísinda- og lagadeild,
Hugvísindadeild,
Viðskipta- og hagfræðideild og 
Verk- og raunvísindadeild.

Lengd námsins fer eftir því hvaða deild er valin. Námið nær yfir 2 annir fyrir þá nemendur sem ætla sér að stunda nám i félagsvísindum, hugvísindum eða viðskiptum og hagfræði og 3 annir fyrir þá nemendur sem ætla sér að stunda nám í verk-og raunvísindum.

Námsfyrirkomulagið er með þeim hætti að nemendur mæta á vinnuhelgar í upphafi hverrar námslotu.  Vinnuhelgar standa að jafnaði frá kl. 14 - 18 á föstudögum og kl. 9 - 16 á laugardögum.  Æskilegt er að nemendur mæti á vinnuhelgar.  

Námið fer fram í formi fyrirlestra og verkefna. Lokapróf eða lokaverkefni eru í lok hverrar námsgreinar. Öll lokapróf eru tekin á viðurkenndum prófstöðum.

Fjarnám getur hentað þeim sem að vilja nýta sér nýjustu tækni í kennslu, haga sínum námstíma eftir þörf í tíma og rúmi. Þannig geta nemendur hlustað á fyrirlestra, fylgst með hvernig stærðfræðidæmi eru reiknuð, lagt málefnum lið á spjallþráðum og spurt spurninga.

Á fyrstu vinnuhelgi mun Capacent sjá um samhristing þannig að nemendur kynnist hverjir öðrum sem og kennurum, til að auðvelda samskiptin í framhaldinu. Á seinni hluta helgarinnar verður kennsla í upplýsingatækni.  Kennt er á Microsoft Office 2010.

Nánari upplýsingar um fyrirkomulag fjarnáms veitir Inga Sveina á netfangið inga@keilir.net . Einnig má finna í algengar spurningar upplýsingar um námið.

SÆKJA UM