Keilir | Flugakademían

Nám í flugumferðastjórn er ákaflega krefjandi og skemmtilegt, og undirbýr nemendur fyrir

Flugumferðarstjórn

Nám í flugumferðastjórn er ákaflega krefjandi og skemmtilegt, og undirbýr nemendur fyrir ábyrgðamikið starf flugumferðastjóra. Flugumferðastjórar starfa í flugtunum og flugstjórnarmiðstöðvum en starfið felur meðal annars í sér að sjá um samskipti við flugmenn og tryggja öryggi flugvéla. Það er þeirra hlutverk að veita flugmönnum upplýsingar og heimildir með það markmið að gæta aðskilnaðar milli flugvéla á flugi annars vegar og flugvéla og farartækja á flugvöllum hins vegar.

Inntökuskilyrði

Umsækjendur skulu vera orðnir a.m.k. 18 ára gamlir og hafa lokið hið minnsta 70 einingum í framhaldsskóla. Sú breyting hefur orðið að ekki er gerð krafa um að standast FEAST-inntökupróf til að hefja nám í flugumferðarstjórn. Standist nemendur próf skólans geta þeir sótt um svokallað nemaskírteini sem er skilyrði fyrir því að komast að í flugturni. Hyggist fólk starfa erlendis verða þeir að gangast undir FEAST-próf.

Gerð er rík krafa um góða enskukunnáttu. 

Einnig er gerð krafa um hrein sakavottorð og að nemendur standist læknisskoðun. Bent er á að hægt er að panta læknisskoðun hjá Fluglækningastofnun í síma 551 6900 eða í t-pósti á aeromed@simnet.is. 

Námsskipulag

Námið skiptist í grunnnám (Basic Course) og áritun í aðflugsstjórnun (APP). Að því búnu geta nemendur sótt um nemaskírteini hjá Flugmálastjórn og í framhaldi sótt um að komast að í flugturni.

Áður en námi lýkur skulu nemendur hafa staðist a.m.k. fjórða stig af sex í enskukunnáttu, skv. kröfum Flugmálastjórnar. Þeir sem ekki hafa íslensku sem móðurmál skulu hafa lokið sama stigi í íslensku, hyggist þeir starfa hérlendis.

Til að fá störf í flugturni þurfa nemendur að hafa lokið stúdentsprófi eða sambærilegu námi. Sérgreinar flugumferðarstjórnar eru viðurkenndar til kjörsviðs á Háskólabrú en hún er viðurkennd sambærileg við stúdentspróf.

Námsgreinar 

Kynning, lagaumhverfi (LAW), stjórnun flugumferðar (ATM), veðurfræði (MET),siglingafræði (NAV), flugeðlisfræði (ACFT), mannlegir þættir (HUM), tæki og kerfi(EQPM), vinnuumhverfi (PEN), flugvellir (AGA), neyð-óvenjulegar aðstæður og minnkandi skilvirkni tækja, æfingar í kennslustofu, æfingar í hermi , turnæfingar. 

Upplýsingar og skólagjöld 

Allt námið kostar kr. 580.000 og er lánshæft hjá LÍN. Nánari upplýsingar veitir Guðmundur T. Sigurðsson: gudmundur@keilir.net

SÆKJA UM 

Hér má sjá kennsluleyfi Keilis

Framsetning efnis

  • A-
  • A+

Póstlisti


moya - Útgáfa 1.13 2009 - Stefna ehf