Flugakademían, nám í einkaflugi, atvinnuflugi og flugtengdum greinum - Keilir

Heiti Verklegt einkaflugmannsnám Tilgangur og lýsing Markmið námsins er að þjálfa flugnema til að

Verklegt nám - PPL Einkaflugmaður

Heiti Verklegt einkaflugmannsnám
Tilgangur og lýsing Markmið námsins er að þjálfa flugnema til að fljúga örugglega og nákvæmlega samkvæmt sjónflugsreglum.
Lengd 45 klst flugkennsla að lágmarki
Inntökukröfur 16 ára aldur. Nægileg enskukunnátta til að skilja flughandbækur. Nemendur þurfa að hafa gilt 1. flokks eða 2. flokks heilbrigðisvottorð.
Námsgreinar
  • undirbúningur flugs, þar með talin ákvörðun massa og jafnvægis og skoðun og þjónusta flugvélar;
  • flugvellir og umferðahringir, varúðarreglur og ráðstafanir til að forðast árekstur;
  • stjórn flugvélar eftir kennileitum;
  • flug á hættulega lágum flughraða, hvernig þekkja má og komast úr yfirvofandi eða fullu ofrisi;
  • flug við hættulega háan flughraða, hvernig þekkja má og komast úr gormdýfu;
  • flugtök og lendingar við eðlileg skilyrði og í hliðarvindi;
  • flugtök við hámarksafkastagetu (stuttar flugbrautir og lítil hindranabil); stuttbrautarlendingar;
  • flug eftir mælitækjum eingöngu, þar á meðal lokið við 180 gráðu lárétta beygju (flugkennari FI(A) eða flugþjálfakennari fyrir einstjórnarflugvélar (STI(A) mega stjórna þessari þjálfun);
  • landflug eftir kennileitum, leiðarreikningi og leiðsöguvirkjum;
  • flug í neyðarástandi, meðal annars líkt eftir bilunum í búnaði flugvélar; og
  • flug til og frá flugvöllum með flugumferðarstjórn og í gegnum flugstjórnarsvið þeirra, fylgt reglum að því er varðar flugumferðaþjónustu, verklag í samskiptum og orðfæri.
Námsgögn Kennsluefni fyrir flugnemaskírteini, handbækur flugvéla. Kennsluáætlun fyrir einkaflugpróf og flugæfingar samkvæmt þjálfunarbók.
Kennslumat/kröfur Nemendur eru metnir af flugkennara fyrir fyrsta einflug. Stöðugt endurmat á sér stað á meðan náminu stendur en þegar líður að lokum eru nemendur metnir og farið yfir öll helstu atriði færniprófs fyrir útgáfu einkaflugmannsskírteinis.
Réttindi Nemendur öðlast rétt til að þreyta verklegt próf hjá Flugmálastjórn Íslands.
Upprifjun/endurnýjun Vilji flugmenn rifja upp þekkingu sína og færni í flugi og undirbúa sig fyrir stöðupróf hjá Flugmálastjórn, þá eru hægt að bóka tíma með flugkennara sem útbýr áætlun í kjölfarið.
Sólóprófið - Flugnemaréttindi

Flugnemar taka mikilvægt skref í átt að einkaflugmannsréttindum sínum þegar þeir fljúga fyrsta skipti einir síns liðs. Sá áfangi er kallaður sólóprófið og er einna eftirminnilegasti hluti flugnámsins.

Eftir að hafa náð að taka á loft og lenda einsamall, hefur flugneminn sannað hæfni sína og fær útgefið flugnemaskírteini. Þá heldur kennslan áfram og nemandinn flýgur bæði með kennara og æfir sig einn, samkvæmt námskránni.

Sólóprófið taka menn oftast eftir að 15-20 klst flugkennslu.  

Framsetning efnis

  • A-
  • A+

Póstlisti


moya - Útgáfa 1.13 2009 - Stefna ehf