Upplýsingadagur Flugakademíu Keilis

Flugakademía Keilis mun framvegis skipuleggja „heimboð fyrir verðandi atvinnuflugmenn“ á vorin og haustin. Þá munum við opna dyrnar og bjóða áhugasömum að kynna sér fyrirkomulag og uppbyggingu flugnáms, skoða aðstöðu og flugvélaflota okkar, auk þess að fá innsýn í atvinnumöguleika og almennt starf flugmannsins.

Áhersla er lögð á persónulega móttöku og vettvang fyrir gesti að fá svar við þeim spurningum sem á þeim brenna. Þá munu gestir hafa möguleika á því að ræða við flugkennara og nemendur skólans, auk þess sem boðið er upp á kynnisflug á sérstöku tilboðsverði fyrir þátttakendur. Gestum er velkomið að taka með sér foreldra, maka eða aðra þá sem hafa löngun til að fá innsýn inn í þennan heim. 

Næsta heimboð verður 9. maí 2015, kl. 10 - 14. Kynningin fer fram í aðalbyggingu Keilis á Ásbrú og verklegri deild Flugakademíunnar á Keflavíkurflugvelli. Vinsamlegast munið að taka með ykkur skilríki (vegabréf eða ökuskírteini) þar sem farið verður inn á flugverndarsvæði Keflavíkurflugvallar við heimsókn í verklega deild Flugakademíu Keilis.

Við opnum dyrnar og bjóðum verðandi atvinnuflugmönnum heim. Nauðsynlegt er að skrá þátttöku og borga staðfestingargjald. Innifalið í verðinu eru veitingar.

Vertu velkomin(n) á upplýsingadag til okkar. Nánari upplýsingar veitir Kristjana Henný Axelsdóttir, þjálfunarstjóri bóklegrar deildar krissa@keilir.net

Skráning á upplýsingadaginn