Flugvirkjanám með mikla möguleika

Enn eru nokkur laus pláss í flugvirkjanám Flugakademíu Keilis sem hefst 10. ágúst næstkomandi. Um er að ræða fimm anna bóklegt og verklegt réttindanám flugvirkja fyrir þá sem vilja öðlast alþjóðleg starfsréttindi og starfa í fjölbreyttu starfsumhverfi að viðhaldi flugvéla af öllum stærðum og gerðum.

Um er að ræða fimm anna bóklegt og verklegt iðnnám flugvirkja fyrir þá sem vilja öðlast alþjóðleg starfsréttindi og starfa í fjölbreyttu starfsumhverfi að viðhaldi flugvéla af öllum stærðum og gerðum. Námið fer fram í nýrri aðstöðu skólans á Ásbrú í Reykjanesbæ, ásamt fimm vikna námsdvöl hjá AST í Perth í Skotlandi.

Hagnýtt og alþjóðlegt flugvirkjanám með mikla atvinnumöguleika

Samstarfsaðili Flugakademíu Keilis í flugvirkjanámi skólans, AST (Air Service Training) í Skotlandi, vann nýverið ein virtustu verðlaun sem eru veitt breskum fyrirtækjum og stofnunum The Queen's Award for Enterprise International Trade 2015“. Skólinn er viðurkenndur „Part 147“ þjálfunaraðili til útgáfu flugvirkjaréttinda samkvæmt gæðastöðlum EASA og er hluti af Perth College og University of Highlands and Islands (UHI) í Perth í Skotlandi. AST hefur starfrækt flug- og flugvirkjaskóla í 79 ár á Bretlandseyjum og víðar.

Innifalið í skólagjöldum er fjögurra vikna námsferð í verklega þjálfun hjá AST í Skotlandi þar sem nemendur fá einstakt tækifæri til að sækja alþjóðlega reynslu og efla tengslanet sitt, ásamt því að læra verklags- og vinnureglur í einum virtasta flugvirkjaskóla Evrópu. Miklir alþjóðlegir atvinnumöguleikar eru fyrir flugvirkja og góð tækifæri til frekari menntunar og starfsþróunar. Nemendum stendur til boða fjölbreyttur starfsvettvangur með mikla möguleika á sérhæfingu í framhaldi af náminu. 

Flugvirkjanám AST hjá Keili hefst næst 10. ágúst 2018. Áhugusömum er bent á að hafa samband við Flugakademíu Keilis á: flugvirkjun@keilir.net. Einnig má nálgast upplýsingar um námið á heimasíðunni: www.flugvirkjun.is

Tengt efni