Heimboð fyrir verðandi atvinnuflugmenn - Fullbókað

Flugakademía Keilis verður með „heimboð fyrir verðandi atvinnuflugmenn“ laugardaginn 11. júní kl. 10 - 14. Þá munum við opna dyrnar og bjóða áhugasömum að kynna sér fyrirkomulag og uppbyggingu flugnáms, skoða aðstöðu og flugvélaflota okkar, auk þess að fá innsýn í atvinnumöguleika og almennt starf flugmannsins. Athugið að það er breytt dagsetning.

Áhersla er lögð á persónulega móttöku og vettvang fyrir gesti að fá svar við þeim spurningum sem á þeim brenna. Þá munu gestir hafa möguleika á því að ræða við flugkennara og nemendur skólans, auk þess sem boðið er upp á kynnisflug á sérstöku tilboðsverði fyrir þátttakendur. Gestum er velkomið að taka með sér foreldra, maka eða aðra þá sem hafa löngun til að fá innsýn inn í þennan heim. 

Næsta heimboð verður 11. júní 2016, kl. 10 - 14. Kynningin fer fram í aðalbyggingu Keilis á Ásbrú og verklegri deild Flugakademíunnar á Keflavíkurflugvelli. Vinsamlegast munið að taka með ykkur skilríki (vegabréf eða ökuskírteini) þar sem farið verður inn á flugverndarsvæði Keflavíkurflugvallar við heimsókn í verklega deild Flugakademíu Keilis.

Við opnum dyrnar og bjóðum verðandi atvinnuflugmönnum heim. Nauðsynlegt er að skrá þátttöku fyrir fimmtudaginn 9. júní og borga 1.000 kr. staðfestingargjald. Innifalið í verðinu eru veitingar.

Fullbókað er í heimboðið en stefnt er á að bjóða upp á sambærilegan viðburð fljótlega.

Vertu velkomin(n) á upplýsingadag til okkar. Nánari upplýsingar veitir Kristjana Henný Axelsdóttir, þjálfunarstjóri bóklegrar deildar.


Tengt efni