Allt að fyllast í Flugbúðir í sumar

Viltu koma í Flugbúðir í sumar?
Viltu koma í Flugbúðir í sumar?

Mikill áhugi er á námskeiði Flugakademíu Keilis sem fer fram í sumar og eru einungis örfá pláss laus. Verið er að skoða möguleika á öðru námskeiði í ágúst.

Ætlunin er að fleyta rjómann af öllu því áhugaverðasta og skemmtilegasta sem kennt er í flugtengdum fögum. Þátttakendur fá innsýn inn í áhrif veðurs á flug, hvernig flugvélar eru uppbyggðar og hvernig þær fljúga. Einnig verður kynning á öðrum hliðum flugheimsins til dæmis flugvirkjun og flugumferðastjórn.

Gestafyrirlesarar úr flugtengdum fögum verða á námskeiðinu, svo sem flugmaður sem segir frá daglegu lífi sínu í millilandaflugi, og eru leiðbeinendur flugmenn og kennarar við Flugakademíu Keilis. Farið verður í vettvangsferðir og áhugaverðir flugtengdir hlutir skoðaðir – í mörgum tilfellum eitthvað sem venjulegt fólk upplifir aldrei.

Námskeiðið hentar vel þeim sem hafa brennandi áhuga á flugi og flugtengdum málum, sem og þeim sem hyggja á flugnám í framtíðinni. Allir þátttakendur fara heim með gjafabréf fyrir kynnisflug með flugkennara.

Nánari upplýsingar og skráning


Tengt efni