Að verða atvinnuflugmaður

Nám í atvinnuflugi er spennandi nám fyrir þá sem vilja öðlast réttindi til að stjórna farþegaflugvélum hvar sem er í heiminum. Keilir kennir samkvæmt EASA Part-FCL stöðlum, samþykkt af Samgöngustofu. Námið tekur mið af námsskrá sem er gefin út af EASA samkvæmt samevrópskri útgáfu flugskírteina.

Þeir sem ljúka atvinnuflugmannsnámi hjá Keili öðlast öll þau réttindi sem flugfélög krefjast við ráðingu flugmanna á nútíma farþegaþotur. 

Hægt er að velja tvær leiðir að atvinnuflugnáminu; áfangaskipt atvinnuflugnám eða samtvinnað atvinnuflugnám. Báðar leiðir gefa sambærileg réttindi við lok náms en ýmsar viðbætur, áherslur og lengd náms skilja leiðirnar að. Að auki eru stakir áfangar í boði undir áfangaskiptu atvinnuflugnámi, umbreytingar ICAO og FAA skírteina ásamt endurnýjun og síþjálfun.

Flugakademían kennir bóklegt atvinnuflugmannsnám í staðnámi í aðalbyggingu Keilis á Ásbrú í Reykjanesbæ. Verklegi hlutinn er kenndur hjá Keili á Keflavíkurflugvelli. 

Hjá skólanum starfar teymi kennara með mikla og alhliða reynslu úr öllum sviðum flugsins. Keilir hefur ávallt að leiðarljósi að vera í broddi fylkingar í kennsluaðferðum og nýtir til þess nýjustu tækni. Meðal þeirra kennslutækja sem nemendur fá í náminu er aðgangur að fullkomnu kennslukerfi skólans. Keilir hefur fjárfest í fullkomnum flugvélum og er með einn yngsta kennsluflota í Evrópu.

Samtvinnað atvinnuflugmannsnám

  • Hentar umsækjendum með enga reynslu
  • Hentar umsækjendum með einkaflugmannsskírteini

Áfangaskipt atvinnuflugmannsnám

Umbreyting skírteina

  • Fyrir flugmenn með réttindi utan EASA (ICAO skírteini og áritanir)

Endurnýjun réttinda

 Hér má einnig finna frekari upplýsingar: