Flugþjónusta

Nám í flugþjónustu er afar lifandi og skemmtilegt og miðar að því að gera nemendur tilbúna til spennandi starfa í háloftunum víðs vegar um heiminn. Nú þegar hafa útskrifaðir flugþjónustunemar Keilis verið ráðnir til starfa hjá flugfélögum bæði erlendis og hérlendis. Keilir kynnir nú flugþjónustunámið í fyrsta sinn kennt í kvöldskóla vegna mikillar eftirspurnar.

Flugakademía Keilis kennir samkvæmt JAR-FCL og hefur samþykkt kennsluleyfi frá Flugmálastjórn Íslands. Nemendur af flugþjónustubraut útskrifast með skírteini vottað af Flugmálastjórn Íslands sem vott um að þeir hafi lokið grunnþjálfun öryggis- og þjónustuliða. Samkvæmt evrópskum reglugerðum telst vottorðið gilda í þeim löndum sem aðilar eru að JAR/EASA. 

Keilir hefur um árabil verið leiðandi í flugkennslu, bæði í fjarnámi og staðnámi. Keilir hefur ávallt að leiðarljósi að vera í broddi fylkingar í kennsluaðferðum og nýtir til þess nýjustu tækni. Í náminu fá nemendur aðgang að fullkomnu kennslukerfi skólans auk þess sem þeir hafa aðgang að færustu kennurum sem í boði eru, sem starfa hjá flestum flugrekendum landsins.

Skipulag náms

Námið fer fram í höfuðstöðvum Keilis að Ásbrú. Þar er að finna fyrsta flokks kennsluaðstöðu, mikið og fjölbreytt skólalíf og mötuneyti. Nemendur vinna námið saman í kennslustofu undir handleiðslu reyndra kennara og spennandi umhverfi þar sem staðsetning Keilis býður upp á fjölda tækifæra til heimsókna og skoðunarferða til fyrirtækja er starfa í umhverfi alþjóðaflugvallar.

Á námstímanum verður einnig boðið upp á fyrirlestra frá gestum úr hinum ýmsu geirum flugstarfseminnar. Einnig er reynt að tengja starfið með líflegum hætti við annað flugtengt nám hjá Flugakademíu Keilis, s.s. einka-, atvinnuflugmanns- og flugumferðarstjóranám.

Námstíminn er 9 vikur. Kennt frá 18:00 – 22:00, alla virka daga. Að auki er ein vinnuhelgi. Kennt laugardag og sunnudag frá 09:00 – 17:00.

Kennarar á flugþjónustubraut starfa á eftirfarandi aðilum:

• Icelandair
• Flugfélag Íslands
• Air Atlanta
• Cargolux
• Landhelgisgæsla Íslands
• Iceland Express og fleirum

Inntökuskilyrði

18 ára aldurstakmark og góð enskukunnátta

Námsgjöld

Námið kostar 195.000 krónur. Í samstarfi við Borgun býður Keilir uppá greiðsluskiptingu.

Innifalið í námsgjöldum eru:

• 9 vikur í kennslustofu
• 1 vinnuhelgi í björgunaræfingu með Landhelgisgæslu Íslands sem og björgun í sundlaug
• rafrænt námsefni (kennslubók seld sérstaklega)
• námsmat og stuðningur á námstíma
• aðgangur að Moodle kennslukerfi

Upptökupróf ekki innifalin í námsgjöldum.

Fyrir nánari upplýsingar um námið: flu@keilir.net