Hagnýtt og alþjóðlegt flugvirkjanám í Flugakademíu Keilis

Flugakademía Keilis býður upp á réttindanám flugvirkja í nýrri aðstöðu skólans á Ásbrú í Reykjanesbæ. Um er að ræða fimm anna bóklegt og verklegt iðnnám flugvirkja fyrir þá sem vilja öðlast alþjóðleg starfsréttindi og starfa í fjölbreyttu starfsumhverfi að viðhaldi flugvéla af öllum stærðum og gerðum.

Innifalið í skólagjöldum er fjögurra vikna námsferð í verklega þjálfun hjá AST í Skotlandi þar sem nemendur fá einstakt tækifæri til að sækja alþjóðlega reynslu og efla tengslanet sitt, ásamt því að læra verklags- og vinnureglur í einum virtasta flugvirkjaskóla Evrópu.

Samstarfsaðili Flugakademíu Keilis í flugvirkjanámi skólans, AST (Air Service Training) í Skotlandi, vann nýverið ein virtustu verðlaun sem eru veitt breskum fyrirtækjum og stofnunum The Queen's Award for Enterprise International Trade 2015“. Skólinn er viðurkenndur „Part 147“ þjálfunaraðili til útgáfu flugvirkjaréttinda samkvæmt gæðastöðlum EASA og er hluti af Perth College og University of Highlands and Islands (UHI) í Perth í Skotlandi. AST hefur starfrækt flug- og flugvirkjaskóla í 79 ár á Bretlandseyjum og víðar.

Miklir alþjóðlegir atvinnumöguleikar eru fyrir flugvirkja og góð tækifæri til frekari menntunar og starfsþróunar. Nemendum stendur til boða fjölbreyttur starfsvettvangur með mikla möguleika á sérhæfingu í framhaldi af náminu. 

Næsta námskeið í flugvirkjanámi AST og Keilis sem hefst í ágúst 2017. Nánari upplýsingar á heimasíðu Flugakademíu Keilis.